ذكرياتى مع احن (_عمو اشرف _)

اول مره دخلت الشات كنا قليلين اوى عمو اشرف وانا وميكا وهدى كنا اقرب اربع شخصيات لبعض

هدى كانت اختى وصاحبتى ومخبا اسرارى .. وعمو اشرف كان دايما يوجهنى للصح ومنكرش انه كان بيخاف عليا

زى هدى واكتر احساسه ده كان واصلنى اوى كان دايما يقولى ( انتى بنتى حنين وبخاف عليكى زى هدى بالظبط )

وانا كمان كنت بقوله ....... انت ضهرى وحمايتى وزى والدى واكتر

والله كنت فعلا بحس بكده ... احساسى بالامان ده معاه كانه والدى ومع هدى كانها اختى الصغيره ومع ام هدى اختى الكبيره خلانى اروح ازورهم فى البيت وانا مطمنه على نفسى ومش قلقانه وعارفه انى فى مكان يؤتمن

كان دايما يقول لميكا .. خالى بالك من حنين .. متزعلهاش

لما روحت ازوره اتفاجئت بصغر سنه وكمان ام هدى لدرجة انى افتكرت ام هدى هيا هدى استقبلونى بجد استقبال حلو اوى وقضينا سوى كام ساعه حلوين جداااااااا اتعرفت فيها على ناس محترمين بجد
محستش عندهم بالغربه ابدا بالعكس حسيت بدفااا وكانى واحده منهم

وشوفت ناديه ومحمد ماشالله عليهم ربنا يحميهم

عمرى ماكنت اتخيل ان الزياره التانيه هتبقى عذى مكنتش متخيله انى هروح مش هلاقيه

فاللهم ارحمه برحمتك الواسعه واسكنه يارب جنات الخلوووود والحقه بالصالحين
فحسبى ربى يعلم ما بداخلى .........